A CIG pedirá nos plenos que se elimine o atraso da xubilación dos tripulantes de palangreiros e arrastreiros
Por Redacción
Un mariñeiro xa presentou unha reclamación ante a decisión da Dirección Xeral da Mariña Mercante, dependente do Ministerio de Fomento, de modificar os coeficientes reductores da frota do palangre e dos arrastreiros conxeladores de forma que obriga aos tripulantes para atrasar a súa xubilación.
Xabier Aboi, representante da CIG, incidía este xoves 13 na inxustiza desta medida que afecta, principalmente, aos mariñeiros galegos. Por este motivo, afirman que reclamarán a través de mocións nos Concellos que se retire esta norma de carácter interno na que se basea o Instituo Social da Mariña.
Ao mesmo tempo, esixirán a revisión de oficio con carácter retroactivo destes casos un ano cara atrás e a constitución dunha comisión na que se citen todas as partes para revisar a realidade pesqueira e, desta forma, poder tela en conta para regular a súa situación.
Por último, a CIG pedirá responsabilidades aos que adoptaron esta medida. Aboi fai referencia aos altos cargos da Mariña Mercante co amparo do ministerio de Fomento, cando Ana Pastor atopábase á fronte.
O vindeiro martes 18 ás 11.00 horas realizouse unha convocatoria para unha asemblea na Biblioteca de Marín na que os afectados e familiares poidan coñecer con detalle a situación e adoptar medidas. Desde o sindicato nacionalista indícase que están a preparar reclamacións individuais, ademais dunha colectiva.
Relacionadas:
-
A CIG alerta dun novo cambio sobre o coeficiente redutor da idade de xubilación na frota galega
Por Redacción |
-
Xabier Aboi sobre o conflito da estiba: "Queren portos onde gañen catro multinacionais de fóra?"
Por Anxo Lourido |
-
O Instituto Social da Mariña recoñece un erro no cálculo da idade de xubilación a mariñeiros
Por Redacción |
-
A CIG denuncia o atraso da xubilación dos tripulantes en buques palangreiros
Por Oskar Viéitez & Mónica Patxot |