Ernesto Filgueira, premio provincial á Traxectoria do Comercio Galego 2016
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/ec7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5396f43ea9-20140610-patxot-fierta-25-aniversario-comerciantes-002.jpg)
© Mónica Patxot
Ernesto Filgueira, o empresario do comercio tradicional da praza de Méndez Núñez, La Casa de los Paraguas, recibirá o vindeiro xoves 13 de outubro o Premio Traxectoria do Comercio Galego 2016 en representación da provincia.
Estes premios son outorgados pola Federación Galega de Comercio e queren destacar a prestixiosa actividade comercial daquelas entidades ou persoas que realizaron un importante traballo en defensa do sector e do asociacionismo. O premio tamén distingue a aqueles empresarios que poñen en valor o pequeno comercio.
Ernesto Filgueira estivo 20 anos á fronte da asociación Centro Comercial Urbano Zona Monumental ata que en 2008 deixou o cargo sendo substituído por Miguel Lago. Aínda así, Filgueira mantense na directiva deste colectivo que ten como principal obxectivo dinamizar a actividade comercial no centro histórico de Pontevedra.
O acto celebrarase na sede de Afundación en Vigo o xoves 13 a partir das 20.00 horas coa presenza de diversas autoridades.