A igrexa de Santa Comba en Ponte Caldelas estrea tellado grazas ás aportacións veciñais
Por Redacción
A parroquia da Insua, en Ponte Caldelas, estreou o novo tellado da Igrexa de Santa Comba, onde se celebra a tradicional romaría da Virxe da Saúde. Con esta reforma solucionáronse os problemas que viña arrastrando desde hai anos polos graves danos que presentaba a cuberta.
As obras foron sufragadas pola comunidade, a iniciativa do párroco, e coa implicación dos veciños, que se ocuparon de recadar os fondos necesarios para poder acometer a obra de reparación.
A inauguración celebrouse coa presenza de veciños residentes en Rebordelo, A Roca e Coveliño.
Ademais tamén asistiu o alcalde Andrés Díaz, acompañado polo tenente de alcalde Lito Muíños e o concelleiro Manuel Barreiro.