O persoal de Urbaser en Marín manterá unha xornada de folga o vindeiro luns
Por Oskar Viéitez
O persoal de traballadores Urbaser, concesionaria do servizo de recollida de lixo en Marín, acordou en asemblea manter a xornada de folga convocada para o próximo 3 de outubro.
Segundo informou Eusebio Justo, delegado sindical de Comisións Obreiras, a decisión dos traballadores prodúcese despois da celebración do pleno extraordinario do pasado 29 de setembro, "sen alcanzar os obxectivos que se pretendían".
Durante o próximo paro programado o persoal de Urbaser concentrarase diante da casa consistorial.
Tamén pretenden reunirse coa alcaldesa, María Ramallo para "avanzar na resolución do conflito, en especial no relativo ás plenas garantías no mantemento do emprego do persoal actual, no prego de condicións que se esta elaborando".
O encontro coa rexedora está previsto para ese mesmo día ás dez da mañá.
Relacionadas:
-
Os novos pregos do servizo de recollida do lixo recollen as propostas dos traballadores
Por Oskar Viéitez |
-
A alcaldesa de Marín comprométese a incorporar un mínimo de 16 traballadores no prego da recollida do lixo
Por Redacción |
-
Marín, abocado a unha folga na recollida de lixo tras concluír sen acordo o pleno extraordinario
Por Redacción & Mónica Patxot |
-
Aprazan a folga na recollida de lixo en Marín á espera dun acordo político
Por Redacción |
-
A folga indefinida na recollida de lixo ameaza Marín
Por Redacción & Mónica Patxot & Anxo Lourido |
-
A oposición solicita un pleno extraordinario para tratar as demandas do persoal de Urbaser
Por Redacción |
-
Convocados tres días de folga de lixo en Marín
Por Redacción | Creada e actualizada