Aprazan a folga na recollida de lixo en Marín á espera dun acordo político
Por Redacción
O conflito que se cerne en Marín con respecto ao servizo de recollida de lixos viviu este sábado un novo episodio. Os traballadores decidiron en asemblea aprazar a folga indefinida que ían comezar este luns 26 de setembro, para dar unha marxe a que se produza algún acordo político que desbloquee a situación.
Nun comunicado remitido aos medios, os traballadores da empresa Urbaser explican que decidiron aprazar a folga tras a petición, por parte de todos os grupos da oposición, dun pleno extraordinario para debater este asunto.
"Esiximos á alcaldesa que convoque sen máis dilación o pleno extraordinario solicitado por BNG, PSOE e Marea Marín no que se debata de forma monográfica o conflito do prego de condicións do novo contrato para a recollida de sólidos", afirman o persoal do servizo.
Á espera de que ese pleno se convoque, os traballadores optaron por dar unha nova marxe de confianza ás xestións que se poidan realizar desde o ámbito político.
En todo caso, reiteran que de non garantirse o emprego durante a totalidade da vixencia do novo contrato, coa subrogación do persoal actual, convocarán unha folga de "longa duración" da que fan "única responsable" á actual alcaldesa, María Ramallo.
Relacionadas:
-
Duras críticas do BNG á adxudicación do contrato de lixo a unha empresa que pagará impostos en Barro
Por Redacción |
-
O persoal de Urbaser en Marín manterá unha xornada de folga o vindeiro luns
Por Oskar Viéitez |
-
Marín, abocado a unha folga na recollida de lixo tras concluír sen acordo o pleno extraordinario
Por Redacción & Mónica Patxot |
-
A folga indefinida na recollida de lixo ameaza Marín
Por Redacción & Mónica Patxot & Anxo Lourido |
-
A oposición solicita un pleno extraordinario para tratar as demandas do persoal de Urbaser
Por Redacción |
-
Convocados tres días de folga de lixo en Marín
Por Redacción | Creada e actualizada