As farmacias pontevedresas asesoran a familiares e coidadores de persoas con alzheimer
Por Redacción
O mércores día 21 de setembro celébrase o Día Mundial do Alzheimer, motivo polo cal o Colexio de Farmacéuticos de Pontevedra sumouse á campaña "Marcando o paso ao Alzheimer" que organiza a Federación Alzheimer Galicia (FAGAL) e as asociacións que a compoñen.
A campaña, que se desenvolverá nas farmacias da provincia de Pontevedra do 19 ao 25 de setembro, forma parte do ciclo de Campañas Sanitarias "A túa Farmacia axúdache", que o Colexio de Farmacéuticos de Pontevedra organiza con motivo da celebración dos días mundiais relacionados coa saúde.
O obxectivo desta campaña é informar e prestar asesoramento tanto á poboación como aos familiares e coidadores de persoas que sofren Alzheimer.
Ao longo da campaña, nas farmacias de Pontevedra os farmacéuticos realizarán aos coidadores que o desexen un sinxelo test para medir o seu nivel de estrés e ofreceranlles consellos para mellorar a súa calidade de vida.
"O gran esforzo físico e emocional que require o coidado das persoas con Alzheimer fai que a vida do coidador, que con frecuencia é un familiar do paciente, poida verse modificada con consecuencias na súa saúde, o seu estado de ánimo e as súas relacións persoais e laborais e, con esta campaña, os farmacéuticos queremos contribuír a mellorar a súa calidade de vida" sinalou Alba Soutelo, presidenta do Colexio de Farmacéuticos de Pontevedra.
Relacionadas:
-
Marín ofrecerá un curso para coidadores de persoas cunha demencia
Por Redacción |
-
Marcando o paso ao alzhéimer
Por Redacción |
-
O Pazo Provincial tinguirase de violeta na noite do martes e o mércores
Por Redacción |
-
Gargalladas solidarias con Luís Piedrahita para loitar contra o Alzheimer
Por Mónica Patxot |
-
Cea benéfica contra o alzheimer
Por Diego Torrado |
-
Doce colectivos sociais pontevedreses reciben axudas para investir no ano 2016
Por Redacción |
-
Tres actividades para solidarizarse cos familiares e enfermos de Alzhéimer
Por Redacción |