Libros dixitais para os nenos de Sanxenxo e Ponte Caldelas
Por Redacción
O conselleiro de Cultura, Educación e Ordenación Universitaria, Xesús Vázquez Abad, presentou hoxe o proxecto piloto "E-Lectores nas bibliotecas escolares ", para que o profesorado e alumnado coñezan de primeira man os novos soportes e dean conta das posibilidades que ofrecen para a mellora da competencia e dos hábitos de lectura entre os máis novos.
Como primeira actuación deste proxecto piloto hoxe entregáronse lectores electrónicos a 25 centros educativos, entre eles o IES de Sanxenxo e o CEIP Manuel Cordo Boullosa de Ponte Caldelas.
Estes soportes pasarán a formar parte do equipamento da biblioteca escolar.
Estes centros colaborarán coa Consellería na elaboración dun informe ao finalizar o curso no que se valorarán os aspectos máis salientables que cómpre atender para introducir estes soportes de lectura nos centros educativos.