Cinco estudantes da comarca, apoiados economicamente por Ence para realizar estudos de posgrao
Por Redacción
Ence resolveu a convocatoria das súas bolsas para realizar estudos de posgrao e mestrado, da que se beneficiarán cinco estudantes da comarca de Pontevedra.
Os seleccionados son Luís Lois Carro, Manuel Fariña Caeiro, María Teresa Xusto González, Adrián Pazos Sierra e David Seoane Vázquez.
Os catro primeiros continuarán os seus estudos en España, cunha axuda económica de 3.000 euros por parte da empresa, mentres David Seoane completará a súa formación no estranxeiro, concretamente na Universidade Napier de Edimburgo. No seu caso a achega ascende aos 6.000 euros.
A Bolsa Ence para Estudos Master pretende fomentar a especialización profesional en áreas como a enxeñería química e os bioprocesos, a xestión ambiental, a investigación en deporte e actividade física ou os coñecementos xurídicos. Ademais este apoio complétase coa prioridade para realizar prácticas na empresa.
Desde a súa creación, hai cinco anos, beneficiáronse destas axudas 26 estudantes da comarca de Pontevedra.