Falece Epifanio Campo, o empresario que revolucionou Vilalonga
Por Redacción
Creada e actualizada
Creada e actualizada
Nas últimas horas falecía na súa casa de Vilalonga, en Sanxenxo, o empresario Epifanio Campo, un home que estivo vencellado ao Banco Gallego e que se converteu nun referente na economía galega grazas á extracción de arxila en Vilalonga e á creación da súa empresa Cerámica Campo. A súa actividade tamén estivo vinculada á siderurxia e á fundición.
Nado en Ponferrada, León, a vida laboral de Epifanio Campo estivo sempre relacionada con Galicia e con diferentes actividades entre as que destacou a súa etapa como presidente do Villalonga FC na década dos oitenta.
A súa residencia habitual atopábase na Coruña pero pasaba as tempadas de descanso no municipio de Sanxenxo, onde tiña a sede social doutra das empresas do seu grupo, Nova Cerámica Campo. Era irmán de Antonio Campo, que foi alcalde de Ortigueira entre 1999 e 2007.
O Concello de Sanxenxo manifestou a seu pesar por este falecemento a través dunha nota na que indica que o seu apoio fixo posible o primeiro campo de fútbol da parroquia, ou a creación da praza pública da que hoxe gozan todos os veciños de Vilalonga. Ademais, unha rúa do municipio conta co nome do coñecido empresario.