![](/web/cache/scene/uploads/fotos/foto/344/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/57b5af035e-160818-marin-06c.jpg)
© Xunta de Galicia
150.000 euros para humanizar a travesía Jaime Janer de Marín
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Consellería de Medio Ambiente e Ordenación do Territorio investirá preto de 150.000 euros na humanización da travesía Jaime Janer de Marín. Os traballos consistirán na renovación de beirarrúas, na ampliación das redes de abastecemento e saneamento e na instalación e acondicionamento de mobiliario urbano.
A actuación regúlase nun convenio asinado este xoves en Santiago entre a conselleira de Medio Ambiente, Beatriz Mato, e a alcaldesa de Marín, María Ramallo.
Este investimento inscríbese no Plan Hurbe, posto en marcha en 2010 pola Xunta de Galicia e que ten un triplo obxectivo: fomentar a humanización das vilas; favorecer a cooperación da administración autonómica e os concellos; e promover o reequilibrio territorial en Galicia. Para conseguilo, o Plan Hurbe inclúe tres programas de actuación: humanización das rúas, urbanización e mellora de espazos públicos; e equipamentos públicos, referidos especialmente aos de carácter cultural e social.