A escola infantil de Seixo, a punto para a súa estrea
Por Redacción
Durante as últimas semanas intensificáronse os traballos de posta a punto na nova escola infantil de Seixo, en Marín.
Coa matrícula de alumnos, en franxas de idade de 0 a 3 anos, xa cuberta, procedeuse a realizar os últimos labores de acondicionamento antes de que entre en funcionamento, no mes de setembro.
Así se levaron a cabo traballos de mellora nos exteriores e patios e realizado a limpeza e colocación do mobiliario.
A escola infantil iniciará a súa actividade con 41 prazas repartidas en tres unidades, coa atención de dous profesores e catro educadores.
Por outra banda, segundo sinalou o Concello de Marín, tamén se están levando a cabo traballos de mellora na escola infantil de San Pedro, tanto na parte exterior como para paliar a calor no interior do centro.