Un home resulta ferido ao caer da moto que conducía en Poio
Por Redacción
Un motorista resultou ferido na mañá deste sábado nun accidente de circulación rexistrado no Concello de Poio ao caer da moto que conducía por motivos que aínda se descoñecen.
Segundo informou o Centro de Atención de Emerxencias de Galicia, o sinistro produciuse sobre as 11.50 horas deste martes na estrada que une Samieira e Raxó, concretamente, á altura do número 20 de Monte Covelo.
Ningún outro vehículo se viu implicado no accidente e o motorista cirulaba só na súa moto. O 112 Galicia tivo coñecemento do accidente a través de Urxencias Médicas de Galicia 061 e, unha vez alertados, os responsables do centro de xestión pasaron aviso aos axentes de Tráfico e da Policía Local de Poio.
Ata o lugar do accidente tamén se desprazaron efectivos do Grupo de Emerxencias Supramunicipal de Sanxenxo e voluntarios de Protección Civil de Poio.