Recoñecemento á Policía Local pola súa solidariedade coa doazón de órganos
Por Redacción
A Policía Local de Pontevedra recibiu un recoñecemento "pola súa considerable solidariedade" a favor da doazón de órganos e tecidos.
Entregoullo a Asociación de Doantes e Receptores de Órganos de Vigo (ADROVI) no medio dunha xornada de actividade na cidade de Lérez.
ADROVI intala o longo do ano mesas informativas na Peregrina para tentar aumentar o número de doantes de órganos e concienciar sobre a importancia deste xesto altruísta.
A xornada contou ademais coa colaboración do Centro de Transfusión de Galicia, que achegou ata a Praza de Ourense a súa unidade móbil de doazón de sangue.