"Vamos a ser imitados por otras flotas, pero eso es algo que queremos, para el beneficio de todos"
Por Oskar Viéitez & Mónica Patxot
O secretario xeral de Pesca do Ministerio de Agricultura, Alimentación e Medio Ambiente, Andrés Hermida, e a conselleira do Mar, Rosa Quintana, trasladaron o apoio institucional á iniciativa pioneira da frota atunera española na adopción dun estándar de pesca responsable. Foi durante unha visita ao buque atunero Jane IV, de Pesqueira Ugavi, que está a ser remodelado no porto de Marín para converterse nun dos barcos de referencia en canto a cumprimento da nova norma AENOR "Atún de Pesca Responsable".
Os traballos están a realizarse nos estaleiros Nodosa.
Nas redes dos atuneros cerqueiros conxeladores captúranse outras especies ademais de túnidos. Son capturas non desexadas, descartes ou pesca incidental. O propósito é que esa pesca incidental baixe ata situarse en cero polo que hai que aplicar toda unha serie de medidas que tamén afectan as condicións de vida e traballo a bordo de tripulacións dos buques atuneros. En total 1.600 tripulantes embarcados nos 40 buques da frota española.
O secretario xeral de Pesca, Andrés Hermida, sinalou que o atún que se capture con estas condicións "además de ser sostenible medioambientalmente también lo será social y económicamente". Tamén lembrou que esta normativa é "completamente voluntaria" polo que valorou que esta frota "se va a auto-obligar a mejorar las condiciones de trabajo a bordo, salariales, sanitarias, de pesca… todo", polo que recoñeceu "la posibilidad de diferenciación que le brinda a las casi 300.000 toneladas que desembarca nuestra flota".
Ademais Andrés Hermida vaticinou que a partir desta iniciativa "vamos a ser imitados" por outras frotas "pero eso es algo que queremos, para el beneficio de todos".
Este mércores presentáronse estes cambios de forma práctica na visita ao buque atunero Jane IV no Porto de Marín. É un paso necesario para que as entidades de certificación poidan acreditar o seu cumprimento e converterse así na primeira frota en dispoñer dun certificado destas características no mundo.
Así, o Jane IV, un buque cerqueiro de 1.350 toneladas métricas de carrexo, ademais de adecuacións técnicas do casco para unha navegación máis segura e veloz, cambiou o seu motor e reductor, e tamén actualizou distintas maquinarias co que conseguirá un mellor desempeño cun menor impacto ambiental, así como reducir considerablemente a emisión de gases contaminantes á atmosfera. Igualmente, acometeuse unha remodelación profunda dos espazos para a tripulación, co obxectivo de mellorar as condicións de vida a bordo e a seguridade marítima do equipo humano.
Co obxectivo de asegurar o cumprimento do 100% das medidas que contempla a nova norma de Atún de Pesca Responsable, o Jane IV embarca a observadores independentes a bordo, encargados de verificalo.
O director xerente da Organización de Produtores Asociados de Grandes Atuneros Conxeladores (OPAGAC), Xullo Morón, valorou que con este paso a frota pesqueira española "volvemos a ser ejemplo y referente internacional" á vez que "ahondamos en nuestra lucha por erradicar la pesca ilegal".