Investigan un veciño de Marín como presunto autor dun incendio forestal
Por Redacción
Axentes da Policía Autonómica resolveron a autoría dun incendio producido a semana pasada no concello de Marín.
En concreto, unha persoa terá que responder, en calidade de investigado, como presunto autor do incendio forestal, que tivo lugar o pasado 22 de xullo no Monte Penizas - Currás, afectando a unha superficie arborada de 10.000 metros cadrados.
O lume produciuse por unha imprudencia do investigado e na súa extinción foi necesaria a intervención do persoal do Servizo de Extinción de Incendios da Xunta.
Os feitos foron remitidos ao Xulgado de Primeira Instancia e Instrución, en funcións de garda, de Marín.