A UNED clausura os seus cursos de verán coa asistencia de máis de 300 alumnos
Por Redacción
O centro asociado á UNED de Pontevedra clausurou este mércores os seus cursos de verán 2016, nos que participaron máis de 300 alumnos e unha trintena de expertos internacionais impartiron 39 relatorios.
Segundo informou a UNED, a profesora do centro María del Carmen Díaz foi a persoa encargada da última sesión deste ano, que formou parte do curso 'Aproximación á neuropsicología a través das etapas da vida: infancia, idade adulta e envellecemento'. A docente realizou unha intervención centrada nas demencias e a deterioración cognitiva nas persoas maiores.
Con esta última conferencia, chegou á súa fin a XXVII edición dos cursos de verán que cada ano organiza a UNED en todos os seus centros e, a modo de balance, o director do curso, Marcos Ríos, destacou a "boa acollida que tivo a actividade entre o alumnado", xa que todos os estudantes participaron activamente, tanto os que asistían en persoa como os que o facían desde a súa casa por streaming.
A directora do centro asociado, Beatriz Rodríguez, valorou "moi positivamente" a alta participación dos cursos de verán, a última actividade do centro antes de que este venres 22 de xullo se clausure o curso académico 2015/2016.
O centro retomará a súa actividade o 29 de agosto, coa celebración de novas actividades e a reapertura do período de matrícula e inscrición.
Relacionadas:
-
A Deputación aplaude o cambio legal que permite que poida seguir financiando a UNED
Por Redacción |
-
Terminan os cursos de verán da UNED de Pontevedra
Por Redacción |
-
A arte como terapia para 154 reclusos da Lama
Por Redacción |
-
A UNED de Pontevedra, un dos tres centros de España que mantén cursos de verán en centros penitenciarios
Por Redacción |