Jacobo Moreira ve ao BNG "noqueado" e pídelle que "de una vez por todas empiece a gobernar"
Por Redacción
O portavoz municipal do PP, Jacobo Moreira, mostrouse este xoves especialmente crítico co goberno local do BNG e a súa forma de actuar en relación coas mocións que presenta nas comisións informativas e o pleno da corporación.
Tras asistir á comisión de mobilidade, denunciou que o grupo de goberno presentou 10 mocións para o seu debate no pleno do mes de xullo e en total nos últimos días leva presentadas por rexistro 17, das que "ni una sola iniciativa" afecta ao emprego, "el principal problema que tiene Pontevedra".
Ademais, Moreira indica que nesta comisión atopouse con "un BNG noqueado", un goberno que "non consegue arrincar" e á fronte da comisión a un Luís Bará que "non controlaba moi ben a orde do día nin as mocións que presentara". Ante tal situación, quere pedirlle aos nacionalista que "dunha vez por todas empezo a gobernar". Tamén lle pide que "tomen nota dos resultados electorais", pois cre que o electorado lanzou "unha mensaxe moi clara ao goberno local do BNG".
En relación coas mocións presentadas, critica que algunhas son "absurdas", pois pídenlle á oposición que apoien unha tramitación e a execución dalgúns asuntos que están xa en trámite coa Deputación Provincial ou o Ministerio de Fomento. "Nos vienen a pedir apoyo o cariño para gestiones que está haciendo el gobierno. No le vemos sentido porque son gestiones que deberían estar algunas ya hechas con otras administraciones, que son competencias del gobierno y otras en las que el gobierno ya ha actuado pro su cuenta y riesgo", recrimínalles Moreira.
Entre esas mocións hai unha relativa á adhesión ao plan Revitaliza da Deputación Provincial para a implantación do plan de compostaxe, no que "ya han decidido lo que quieren hacer y han ido hacia delante sin contar nunca con la oposición y ahora nos presentan mociones para que les demos nuestro apoyo".
O portavoz do PP lembra que desde o seu partido "hemos tendido la mano al alcalde para que en los asuntos cruciales nos podamos sentar y llegar a acuerdo", pero non están dispostos a "perder el tiempo en comisiones de este estilo", nas que todo o contido son mocións, pois "esto de que un gobierno presente mociones para instarse a sí mismo a hacer algo yo creo que nos están tomando un poco el pelo a todos".