A Policía Local detén un home na rúa Echegaray por un delito de violencia de xénero
Por Redacción
Axentes da Policía Local de Pontevedra detiveron un home de 30 anos de idade por un presunto delito de violencia de xénero.
Segundo informaron fontes oficiais da Xefatura da Policía Local, sobre as 16:00 horas do pasado 21 de xuño unha patrulla desprazouse ata a rúa Echegaray a requirimento dunha persoa que alertou de que un home estaba a maltratar a unha muller, berrándolle e obrigándolle pola forza a introducirse nun vehículo.
Cando a patrulla da Policía Local de Pontevedra chegou ao lugar atopou unha muller dentro dun coche "alterada e nerviosa" e fóra do vehículo a un home que, a preguntas dos axentes, explicou que momentos antes tivera "unha discusión" coa súa parella e que, como non quería entrar no vehículo, obrigoulle a iso.
Estes feitos foron confirmados pola propia muller, manifestando aos axentes que no transcurso da discusión o home chegou a insultala e gritarlle, obrigándoa a introducirse no vehículo. A pesar de todo dixo que non quería presentar denuncia.
Preto do lugar varias testemuñas relataron como o home agarrara á súa parella polo brazo de forma violenta, zarandeándola e arrastrándoa ata el, á vez que lle insultaba, obrigándoa a entrar no coche en contra da súa vontade, e que uns instantes despois dous mozos que se atopaban pola citada rúa, chamáronlle a atención, encarándose contra estes mozos, insultándoos e gritándolles.
Ante estes feitos, os axentes municipais procederon a detención do home por un presunto delito de violencia de xénero.
SOLIDARIDADE CIDADÁ
Unha vez máis a solidariedade e a colaboración cidadá é determinante para atallar este tipo de delitos.
Os delitos de violencia de xénero, e doméstica en xeral, danse nunhas circunstancias tales -relacións afectivas, ambiente de medo, convivencia no mesmo domicilio...- que deixa ás vítimas a mercé do delincuente. Esta situación explica a dificultade que en moitos casos teñen as vítimas para denunciar e facer fronte por si mesmas a tal estado de cousas.
Por este motivo a solidariedade e a implicación da sociedade, e como dos poderes públicos resulta básica para afrontar este problema e tal implicación non é fácil na actualidade.