As mortes superaron aos nacementos o pasado ano en Pontevedra
Por Redacción
O Instituto Nacional de Estatística (INE) cifrou a poboación oficial de Pontevedra en 82.539 habitantes son cifras provisionais xa que non será ata decembro cando se certifiquen os datos oficiais do censo.
Este avance forma parte do estudo denominado "movementos naturais da poboación" que ofrece outros datos interesantes como o resultado negativo do crecemento vexetativo na cidade do Lérez durante o 2015, ano no que naceron 679 persoas no municipio e faleceron 682, o que supón un balance de -3.
É dicir, houbo máis mortes que nacementos.
En comparación co resto de grandes cidades galegas, a Boa Vila non sae tan mal parada pois o balance en Ferrol é de -527; na Coruña, -572; Vigo rexistrou 431 defuncións máis que nacementos; Ourense, -402; a cifra en Lugo é de -207; e Santiago de Compostela, rexistrou -87.