O fin de curso enche o centro histórico de nenos con ganas de festa
Por Redacción & Mónica Patxot
Os colexios de educación Primaria e Infantil baleiráronse este mércores por última vez ata despois do verán e, para celebralo, os escolares que non volverán ás aulas ata dentro de dous meses e medio xuntáronse pola tarde nas rúas do centro histórico para participar na gran festa infantil de fin de curso organizada, como cada ano, polo centro comercial urbano Zona Monumental.
Durante toda a tarde, a diversión chegou a distintas rúas e prazas, con nenos gozando das actividades como un rocódromo, xogos tradicionais, talleres, pumptrack, tiro con arco, xogos de puntería e inchables como 'saloon de vaqueiros', 'Crocodilo' ou 'Táboa de surf?'. Pero se houbo un entretemento estrela da tarde foi a tradicional festa da escuma na praza da Pedreira.
Un DJ puxo a banda sonora a esta festa final na que a escuma e as risas invadírono todo. Agora toca gozar das vacacións.