Falece un motorista en Pontevedra ao chocar contra un camión
Por Redacción
Un accidente entre un camión e unha moto deixa unha vítima mortal. Trátase do motorista.
O sinistro rexistrouse en Pontevedra, no quilómetro 0 da PO-10, na ligazón coa AP-9.
Segundo informou o 112, foi o propio camioneiro implicado o que contactou co 112 Galicia minutos despois das 5:00 horas desta madrugada. El mesmo explicou que o motorista quedou tirado na calzada despois de que a moto batese contra o seu camión.
Os profesionais do CAE 112 Galicia alertaron a Urxencias Médicas e aos Bombeiros de Pontevedra.
Os efectivos sanitarios desprazáronse ata o lugar cunha UVI móbil para asistir ao motorista. A pesar dos intentos por reanimalo, nada se puido facer por salvarlle a vida.