As farmacias da Boa Vila súmanse á campaña para previr o cancro de pel
Por Redacción
Con motivo da celebración, o 13 de xuño, do Día Europeo da Prevención do Cancro de Pel, o Colexio de Farmacéuticos de Pontevedra súmase a esta campaña que ten por lema "O cancro de pel pódese ver: detéctao a tempo, pódese tratar".
A campaña sanitaria desenvolverase nas farmacias da provincia de Pontevedra do 13 ao 19 de xuño co obxectivo de previr o risco de padecer cancro de pel e axudar a detectalo de maneira precoz, xa que é o tumor máis frecuente no corpo humano cunha mortalidade de 8-10 casos por cada 100.000 habitantes.
Os farmacéuticos darán nas farmacias consellos sobre hábitos que os cidadáns deben adquirir para previr o cancro de pel e, ademais, axudarán a detectalo de maneira precoz.
Como apoio ao labor dos farmacéuticos, as farmacias de Pontevedra terán a disposición dos público dípticos editados pola Academia Española de Dermatoloxía e Veneorología (AEDV) con colaboración do Consello Xeral de Colexios Oficiais de Farmacéuticos.