Unha muller trasladada tras declararse un incendio na súa cociña
Por Redacción
Unha muller resultou afectada esta madrugada por inhalación de fume despois de declararse un lume na súa vivenda, en Sanxenxo.
O incendio iniciouse na campá extractora da cociña e estendeuse a parte das alacenas. O resto da casa viuse danada polo fume.
Ocorreu no lugar do Casal, na parroquia de Noalla.
Unha persoa particular contactou co 112 Galicia á 1:30 horas da madrugada. Explicou que acababa de chegar á casa e que lle estaba ardendo a cociña. O persoal do 112 alertou aos Bombeiros do Salnés e ao GES de Sanxenxo, que enviaron senllas dotacións. Tamén se alertou á Garda Civil.
Ata o lugar desprazouse unha ambulancia para atender á muller que foi trasladada a un centro sanitario por unha intoxicación leve de fume.
INCENDIO DUN CICLOMOTOR
Unha dotación de Emerxencias Sanxenxo tamén acudiu este venres, ao redor das 23.30 horas, para atender o incendio nun ciclomotor na Praza do Pazo.