80 estudantes de Belas Artes e 48 de Comunicación Audiovisual celebraron as súas graduacións
Por Redacción
Tras anos de esforzos e dedicación, recibir o recoñecemento de profesorado, compañeiros e familiares sempre é un premio para os novos graduados, o premio co que na tarde deste venres pecharon unha etapa formativa 80 novos titulados e tituladas en Belas Artes e os 48 integrantes da cuarta promoción de graduados e graduadas en Comunicación Audiovisual.
Máis aló da clásica entrega de bandas e diplomas, para dar conta da creatividade que atesouran, converteron o salón de actos do Edificio Administrativo da Xunta nun cabaret, no caso da sétima promoción do grao en Belas Artes, e fixeron da súa graduación unha entrega de premios ‘Oscavs’, no do grao que se imparte na Facultade de Ciencias Sociais e da Comunicación.
O campus de Pontevedra oferta 715 prazas para o vindeiro curso
Unha etapa que remata e outra que empeza para 715 novos alumnos, que son tantos como o número de prazas que ofrece o campus de Pontevedra para o vindeiro curso, con notas de medias de corte entre o 5 e o 10,3 que é o que precisan os estudantes que queiran facer Fisioterapia.
Belas Artes é a facultade que ten o maior número de matrículas para novas admisións con 130.