Cuntis acolle este venres a cuarta edición de Moda na Rúa
Por Redacción
Deseño, moda, música e diversión para presentar a colección de verán 2016. Así será a cuarta edición de Moda na Rúa, un desfile de moda na que as mozas e mozos de Cuntis desfilarán nun entorno idílico, o casco antigo da vila.
O desfile terá lugar o venres día 10 de xuño, ás 22:00 horas, na Praza das Árbores. Este desfile céntrase no vestiario de Mi Vestidor Azul e Choco Sport, ademais dunha serie de novos deseñadores, a asistencia de diversas blogueiras galegas, así como de persoas do mundo da moda chegadas dende diferentes puntos de Galicia.
Ao remate do desfile terá lugar un sorteo de diversos agasallos entre os asistentes.
Nas anteriores edicións de Moda na Rúa, máis de un millar de persoas achegáronse a desfrutar dunha noite de moda organizada polas mozas e mozos emprendedores que dirixen estes dous proxectos empresariais.
Ambas empresas contan cunha actividade intensa no Concello de Cuntis á hora de organizar eventos tales como noites temáticas de compras (Noite Branca, Noite Doce, etc.), ou o showroom pola costa galega.
Bottino&Tacoo, El Armario de Bubú, Ene-A Fotógrafos, Floristería Xunco, Gamallo-Fontenla Fisioterapia e Estética ou Andrea Fernández Peluquería e Barbería, son algún dos negocios da vila que colaboran nesta nova edición, que conta tamén coa colaboración do Concello de Cuntis.