Pillan 'in fraganti' a un ladrón nunha lavandería grazas a un veciño que deu a alerta de madrugada
Por Redacción
A alerta realizada por un veciño que viu que unha persoa sospeitosa accedía a unha lavandería a altas horas da noite permitiu a detención in fraganti dun presunto ladrón. Ocorreu na madrugada do domingo 5 de xuño nun negocio da rúa Rodríguez Seoane, na zona este de Pontevedra.
Segundo informou a Policía Nacional, un veciño chamou á central do 091 alertando da presenza do ladrón no establecimento Oso Blanco, de modo que unha patrulla dirixiuse inmediatamente ao lugar e 'cazouno' aínda ante o enreixado do local.
Ao detectar a presenza policial, o presunto ladrón tratou de fuxir correndo, pero foi interceptado polos axentes, que atoparon unha hucha no chan co contido esparexido e procederon á detención do individuo como presunto autor dun delito de roubo con forza e o seu traslado á Comisaría Provincial do Corpo Nacional de Policía
O detido resultou ser un veciño de Pontevedra de 19 anos de idade con antecedentes policiais que presuntamente forzara o enreixado para acceder ao local e, unha vez dentro, subtraído a hucha.