A Asociación Xoán XXIII encargarase do mantemento de espazos no rural
Por Redacción
O Concello de Pontevedra asinou un contrato de traballo coa Asociación Xoán XXIII para que se encargará de acondicionar e realizar traballos de mantemento nos núcleos parroquiais do municipio.
Os traballos comezarán de inmediato, empezando polo barrio de Ponte Muíños, en Lourizán, onde se realizarán tarefas de mantemento na contorna da piscina olímpica, a zona de aparcadoiro situada detrás do antigo colexio e nas vías de acceso.
Continuarase, segundo informa o Concello, polo resto da parroquia para seguir, progresivamente, por todos os núcleos do rural pontevedrés durante todo o verán.
Os traballos centraranse en labores de limpeza, roza e pequenos arranxos para tentar manter en bo estado os núcleos parroquiais.