Sae despedido do coche tras sufrir un forte accidente no Grove
Por Redacción
Grave accidente de tráfico o acontecido durante a madrugada deste domingo na estrada de San Vicente de Mar, no Grove.
O condutor dun turismo resultou ferido grave tras sufrir un accidente e saír despedido do coche que manexaba, segundo informa o Centro de Atención ás Emerxencias 112 Galicia.
O suceso produciuse ao redor da 1:20 horas da madrugada nunha longa recta, cando por circunstancias que se descoñecen o condutor perdeu o control do vehículo e terminou envorcando.
Unha ambulacia do 061 trasladou de urxencia ao ferido a un centro hospitalario. Ademais unha persoa, testemuña do accidente, tivo que ser atendida ao sufrir unha crise nerviosa.
Ao lugar do accidente acudiron, ademais das Urxencias Médicas, efectivos de Protección Civil do Grove, Emerxencias Sanxenxo e forzas da orde.