Masa Crítica denunciará aos coches "estacionados irregularmente" na PO-308
Por Redacción
O colectivo ciclista Masa Crítica denunciará ante as autoridades, a partir do 15 de xuño, aos coches "estacionados irregularmente na PO-308".
Refírese Masa Crítica aos vehículos aparcados na beiravía da estrada entre o quilómetro 3,5, xunto ao Asador O Remo, e ata Combarro.
Trátase dun tramo con limitación a 70 quilómetros por hora e "polo tanto non ten consideración de travesía ou vía urbana", sinalan, a pesar de contar cun importante tránsito peonil e ciclista "porque moitos mozos desprázanse de Combarro ou Poio aos complexos deportivos da Seca".
O artigo 39 da Lei de Tráfico e Seguridade Viaria especifica que en vías interurbanas os vehículos deben estacionarse fóra da calzada, deixando a beiravía transitable.
"Queremos facer fincapé en que esta práctica está permitida irregularmente polas administracións, tanto a DXT como a Policía Local de Poio", sinala Masa Crítica, que considera este feito como grave por sitúar nunha situación de perigo aos usuarios máis vulnerables, os peóns e os ciclistas. Ademais, aseguran, esta situación dificulta o cruzamento de peóns ao reducir a visibilidade.
O colectivo ciclista insta por último á Xunta de Galicia, titular da estrada, a que adapte o deseño da PO-308 a unha travesía, con beirarrúas e limitación a 50 quilómetros por hora, o que permitiría que os coches estacionasen na zona.
Relacionadas:
-
Masa Crítica denuncia unha ducia de condutores por non respectar a distancia mínima cos ciclistas
Por Oskar Viéitez |
-
Propoñen vías ciclistas para enlazar Pontevedra con Marín, Combarro e con Ponte Sampaio, pola antiga vía do tren
Por Oskar Viéitez | Creada e actualizada
-
Pedaladas e Masa Crítica elaboran a súa propia proposta para un paseo peonil e ciclista Pontevedra-Marín
Por Redacción |
-
Asociacións de defensa dos ciclistas denuncian 19 condutores por non respectar a distancia de seguridade
Por Redacción |