Retiran de Baltar e Silgar as casetas de dous vellos baños públicos sen uso
Por Redacción
A Concellería de Medio Ambiente retirou das praias de Baltar e de Silgar as estruturas dous baños públicos que se atopaban en mal estado.
En ambos os casos trátase dunhas estruturas instaladas pola Dirección Xeral de Costas hai máis dunha década como baños públicos, pero nunca chegaron a entrar en funcionamento. De feito, en ningún dos dous areais esta estrutura estaba conectada á rede de saneamento.
No caso de Baltar, a caseta instalouse coincidindo coa colocación do paseo de madeira, no ano 2005, e mantívose aberta durante uns meses.
A eliminación destas casetas responde a unha demanda veciñal para recuperar o espazo público que ocupaban e eliminar o impacto visual que supoñían, no caso de Baltar situada en pleno paseo.
Foi máis complicada a retirada de caseta situada sobre a area de Silgar, xa que a estrutura estaba asentada sobre cimentos de formigón.