Os socorristas das praias de Pontevedra volven o traballo o 24 de xuño
Por Redacción
A partir do 24 de xuño, os socorristas volverán a vixiar as praias fluviais de Pontevedra. Así o avanzou este venres o Concello de Pontevedra que, nestas últimas semanas está acometendo distintos traballos de mantemento e reparación nos areais urbanos.
No caso da praia do Lérez, está previsto que o servizo de socorrismo remate o 11 de setembro. Nos meses de xullo e agosto haberá dous socorristas. Os horarios do servizo serán de 12.30 a 20.30 horas, e polas tardes, complementarase cun segundo socorrista de 16.30 a 20.30 horas.
Na de Ponte Sampaio tamén está previsto un servizo de socorrismo que realizará a Cruz Vermella no mesmo período e en iguais horarios que na praia fluvial do Lérez, pero só nas fins de semana e nos días festivos, tal e como se realizou o pasado verán.
Pola súa banda, os labores de mantemento incluíron tamén a praia de Lourizán, con tratamento nas zonas verdes e no mobiliario urbano, así como na zona propia de areal.
Ademais, na praia de Praceres está prevista unha limpeza específica para retirar todas as algas que chegan á beira durante o inverno.