Life Long Swimming ou a natación como hábito de vida saudable
Por Redacción
A piscina de Campolongo será escenario o vindeiro sábado 11 de xuño, de 9:00 a 13:00 horas, de H2OpenDay, unha xornada gratuíta que pretende promover os beneficios da natación para persoas maiores de 55 anos.
A iniciativa enmárcase dentro do programa Life Long Swimming que desenvolve a Federación Española de Natación co apoio nesta ocasión do Concello de Pontevedra e a través de fondos europeos Erasmus+.
"Va dirigido a todo el mundo mayor de 55 años, incluso a los que no saben nadar", sinalou un dos responsables do evento, Carlos Touriño, na presentación do evento, que contou coa presenza do presidente da Federación Española, Fernando Carpena, da Federación Galega, Carlos Bremón, e o alcalde de Pontevedra, Miguel Anxo Fernández Lores.
Actividades acuáticas, charla sobre os hábitos de alimentación saudables, unha sesión de mobilidade articular ou unha exhibición do recordman mundial de +85 anos, Roberto Alberiche, compoñen a programación dunha xornada que conta con inscrición gratuíta ata cubrir as 150 prazas dispoñibles.
Os interesados poden anotarse nas piscinas municipais de Pontevedra, Marín, Vilagarcía e Redondela ou a través do correo electrónico info@proyectadeporte.com.
No proxecto Life Long Swimmming están involucradas tamén as federacións turca, italiana e maltesa, a Liga Europea de Natación e a Universidade de Coimbra.