Cooperación e solidariedade, a debate durante unha semana
Por Redacción
Máis de 25 actos repartidos ao longo dunha semana converterán Pontevedra nun centro de reflexión sobre a cooperación internacional e a necesidade de loitar contra a desigualdade.
Do 6 ao 11 de xuño os cidadáns poderán asistir a obradoiros, coloquios, exposicións, actividades na rúa ou un ciclo de cinema dentro das xornadas 'Des/Igualdade global, a cooperación como transformación social' organizada pola Asociación Galega de Reporteiros Solidarios (Agareso) e a Asemblea de Cooperación pola Paz
Trátase de ofrecer unha iniciativa "para todos os públicos" nunha serie de espazos de convivencia que servirán para que a poboación coñeza de primeira man as problemáticas sociais que aborda a cooperación internacional e os efectos positivos que produce.
A Casa da da Luz, Pazo da Cultura, a Facultade de Ciencias Sociais e da Comunicación e as rúas da cidade acollerán as diferentes actividades dun programa que se pode consultar aquí.
As diferentes charlas programadas contarán con visitas de xente de Inglaterra, Hungría, O Salvador, Guinea Bissau, Siria, o Sahara Occidental, Portugal ou Cabo Verde, segundo sinalaron na presentación das xornadas Lorena Seijo (Agareso), Alejandro Quiñoá (Asermblea de Cooperación pola Paz) e a concelleira de Benestar Social, Carmen Fouces.