Motos e choiva volven estar unidas en Ponte Caldelas
Por Redacción
A choiva volveu ser a tónica dominante da segunda edición da concentración moteira de Ponte Caldelas. Ao igual que ocorrera xa na primeira edición, o mal tempo imperou durante toda a xornada, pero non impediu que se celebrara e os motoristas sairan ao asfalto. Entre os participantes estaba o alcalde do municipio, Andrés Díaz.
Nesta segunda ocasión, a concentración quedou un pouco máis deslucida que na súa cita de estrea en canto a participantes, con moi poucos moteiros que se animaron a participar nesta actividade organizada polo Motoclub de Redondela, desanimados pola mala climatoloxía.
Celebrouse sen cambios a xornada de convivencia en Ponte Caldelas e pola tarde realizouse a ruta programada, iso sí, con máis precaucións de seguridade debido ás malas condicións climatolóxicas e do asfalto. Houbo cambios na exhibición do campión galego de trial, Martín Rioboo, que recortou as acrobacias nos seus pases por cuestións de seguridade.
Tanto o alcalde como a directiva do Motoclub de Redondela, organizador do evento, emprazáronse para o próximo ano coa esperanza de que acudan todos á cita agás a choiva.