Aprender a resolver situacións coas crianzas buscando a felicidade
Por Mónica Patxot
A psicóloga Cristina Fariñas desenvolveu unha charla-obradoiro na Casa da Luz dentro do Programa APEGO, que busca a socialización en lingua galega a través de establecer vínculos entre os menores e a familia, asentando o arraigamento a Galicia. Este programa promovido polo equipo municipal de Normalización Lingüística en Pontevedra busca adaptarse ás necesidades das nais e dos pais que asisten a estas actividades.
Durante a tarde deste venres, Cristina Fariñas creou un espazo para que as familias con menores de seis anos compartisen inquedanzas, dúbidas e ideas para resolver situacións habituais nos comportamentos das crianzas.
A psicóloga ofreceulles asesoramento coa intención de que se busque unha contorna de felicidade na que se atopen a gusto.
Mentres os adultos atendían ás explicacións, os nenos entretíñanse lendo contos ou tomando a merenda, nun ambiente de xogos.
Relacionadas:
-
Achegamento á metodoloxía Montessori da man do programa Apego
Por Redacción |
-
150 familias pontevedresas participan xa no programa Apego
Por Alejandro Espiño |
-
A música galega tamén se goza desde o colo
Por Diego Torrado |
-
Chega o mes da lingua cunha enchedela de actividades
Por Redacción |
-
Apego amplíase a 23 municipios e a máis dun millón de habitantes
Por Redacción |
-
Comezan as actividades do proxecto Apego na primavera en Pontevedra
Por Redacción |