A choiva obriga a aprazar o Troula Inclán deste sábado
Por Redacción
O Festival Troula Inclán 2016, previsto inicialmente para este sábado 21 de maio na praza de Méndez Núñez, tivo que suspenderse por mor das previsións de mal tempo que hai para toda a xornada, con choiva o longo de toda a tarde.
A propietaria do establecemento A Gramola, situado na Praza Méndez Núñez, Marta González Curros, organiza estas actividade en colaboración co Centro Comercial Urbano Zona Monumental co obxectivo de animar a praza ao longo de todo o día, nunha festa na que teñen cabida desde os máis pequenos da casa, ata os máis maiores.
Este venres, ante as previsións meteorolóxicas, decidiron aprazar a celebración. Nuns días darase a coñecer a nova data, na que previsiblemente se manterá a programación inicial de actividades:
- 13.00 horas: Momentos tradicionais: actuacións de música tradicional galega
- 15.00 horas: Degustación de pratos típicos galegos.
- 17.00 horas: Pequetroula: actividades infantís e xuvenís que finalizarán coa buscada dun tesouro.
- A partir das 19.00 horas Concertos: Raul e Cia; Black Stones; Desconcerto; Operación guateque.
- Ás 00.00 horas peche de actuacións cunha canción final de todos os grupos xuntos.