O gasto medio das primeiras comuñóns ascende este ano a 3.500 euros
Por Redacción
A Federación Provincial de Comercio de Pontevedra realizou unha enquisa sobre o gasto en primeiras comuñóns na provincia de Pontevedra, analizando o gasto medio tanto en traxes de primeira comuñón, comida, recordatorios, invitacións, fotos, entre outros.
100 recordatorios | 78 euros |
50 invitacións | 53 euros |
Comida en restaurante con 35 adultos (43 euros por persoa) | 1.505 euros |
Comida de 40 nenos (18 euros por persoa) | 720 euros |
Reportaxe fotográfico | 78 euros |
Reportaxe de video | 153 euros |
Festa con 40 nenos (18 euros por cada un) | 720 euros |
Monitores (é obrigatorio) | 103 euros |
TOTAL DE GASTO ESTIMADO | 3.410 euros |
A estes 3.410 euros haberá que sumar o gasto da roupa:
- No caso dos nenos as familias gástanse de media 183 euros na roupa.
- É máis caro o traxe das nenas que custa unha media de 305 euros.
Os técnicos da Federación de Comercio non valoraron o gasto de roupa tanto dos pais como irmáns.
Ademais, aclaran que detectaron gran variedade no gasto de restaurante, porque hai familias que a celebran en pazos-restaurantes, cunha media de gasto de entre os 55 e 80 euros por persoa e os nenos 28 euros cada un, de media.
O que se observou do estudo é que nas primeira comuñóns do ano 2016 hai un gasto superior a outros anos, como sucedeu no ano 2015.
Na clasificación do consumo do comercio esta celebración esta en quinto lugar xa que non soamente é o gasto familiar do fillo que fai a primeira comuñón, senón que repercute no agasallo que os invitados fan e a media de gasto no devandito agasallo, está entre os 150 euros aos 300 euros por agasallo.