En Podemos Sanxenxo están preocupados pola reciclaxe de produtos perigosos no Complexo Intermareal Umia-O Grove
Por Redacción
A formación Podemos Sanxenxo trasladou a súa "sorpresa e preocupación pola degradación ambiental" na que se atopa o Complexo Intermareal Umia-Grove, na zona de Vilalonga.
Sinalan que nesta zona de especial importancia ecolóxica está instalada unha fábrica de ladrillo refractario, "o máis preocupante é que se adica tamén ao tratamento de sustancias e materiais peligosos e altamente contaminantes".
Nunha visita a zona realizada polos membros de Podemos Sanxenxo, "atopámonos que o aire, nesa zona, ten un cheiro irritante que debe preocupar non so polo dano que se poida producir no medio ambiente, se non por posibles efectos nocivos na saúde dos veciños e veciñas cercanos". Segundo apuntan nun comunicado "hai que ter en conta que a queima de aceites pode dar lugar a sustancias canceríxenas, PCBs, PCTs e outros productos altamente tóxicos".
Podemos Sanxenxo suliña que esta actividade está "totalmente desaconsellada" por la Unión Europea, polo que agardan que neste caso os mecanismos de control de emisións contaminantes "estean a funcionar de xeito especialmente riguroso". Ademáis acompañan un video coa súa queixa.
Finalmente solicitan explicacións ao goberno local de Sanxenxo de "porqué se permite o tratamento de productos perigosos tan cerca das vivendas e nunha zona protexida pola Rede Natura, a ZEPA e o Convenio Internacional RAMSAR".