O servizo de Consumo de Pontevedra recibiu 6.332 reclamacións en 2015
Por Redacción
O servizo de Consumo de Pontevedra recibiu, ao longo do pasado ano, 6.332 reclamacións e denuncias.
O Instituto Galego de Consumo ten dúas oficinas na provincia de Pontevedra, unha delas situadas na capital e outra en Vigo.
Os eixes fundamentais de actuación do servizo de Consumo xiran arredor da resolución de conflitos presentados polos consumidores así como do control do mercado.
Os cidadáns poden así presentar consultas ou reclamacións.
Según informou a Xunta, no 2015 as demandas estiveron principalmente relacionadas coas telecomunicacións, seguido de problemas co subministro eléctrico e gas.
Para solucionar os problemas dos consumidores existen tres vías: a mediación, a tramitación de expedientes sancionadores e o sistema arbitral de consumo que é totalmente gratuíto e permite resolver reclamacións sempre que o conflito non verse sobre intoxicacións, lesións ou mortes.
Existen 11.698 empresas adheridas a este sistema na actualidade e, ao longo de 2015, o Colexio Arbitral de Consumo de Pontevedra emitiu 755 laudos.