Roberto Agís convoca os veciños para explicar os motivos da súa marcha do goberno de Sanxenxo
Por Redacción
Roberto Carlos Agís decidiu convocar aos veciños de Sanxenxo no Multiusos de Portonovo ás 20.30 horas deste venres 6 para ofrecerlles a súa explicación dos motivos que lle levaron a deixar o goberno de Sanxenxo e o partido Sanxenxo Pode. O que agora se converteu en concelleiro independente deixou o goberno de Gonzalo Pita en minoría alegando que discrepancias insalvables provocaron esta ruptura.
Segundo expuxo na última sesión plenaria, Agís entende que os integrantes do goberno careceron da transparencia suficiente e que había desencontro coas outras formacións.
Desde que deixou o seu cargo como concelleiro de Cultura e Festas, o goberno atópase agora conformado por SAL, BNG e PSOE fronte aos oito concelleiros do Partido Popular. Agís afirma que non pactará cos populares de Telmo Martín.
Relacionadas:
-
Sanxenxo Pode di sentir "vergoña" do seu concelleiro e asegura que o futuro do partido está "pendente de resolución"
Por Oskar Viéitez |
-
Tranquilidade no goberno municipal de Sanxenxo, convertido agora en tripartito tras a dimisión de Agís
Por Alejandro Espiño |
-
O edil de Cultura dimitido cita "confrontaciones" no cuadripartito pero avanza que "jamás" pactará co PP
Por Alejandro Espiño & Mónica Patxot |