Ingresa en prisión o individuo detido en varias ocasións por roubos en vivendas de Vilagarcía
Por Redacción
A autoridade xudicial ordenou o ingreso en prisión dun individuo detido pola Policía Nacional por dedicarse a asaltar vivendas.
Segundo informaron fontes oficiais da Comisaría, este home foi sorprendido cando acababa de roubar no interior dunha vivenda de Vilagarcía en cuxo interior subtraeu un bo número de xoias e reloxos, dúas tabletas, un ipad, unha cámara de fotos e unha caixa de caudais con 3.800 euros segundo o propietario da mesma.
A propietaria a vivenda declarou que ás 13.00 horas do mediodía deste luns cando se atopaba na casa coa súa filla oíu ruídos na parte de abaixo da casa. Ao asomarse á escaleira observou un individuo no salón manipulando os caixóns polo que chamou inmediatamente ao 091.
Tras a denuncia os axentes dispuxeron inmediatamente un dispositivo parar tratar de arrestar ao autor dos feitos que foi localizado e detido polos axentes pola tarde do mesmo día por un delito de roubo con forza.
O individuo, que xa foi detido en múltiples ocasións por feitos similares, é un veciño de Villagarcía de 40 anos de idade.