190.000 euros da Deputación para mellorar o saneamento e outros servizos en rúas de Poio
Por Redacción
A Deputación de Pontevedra destinará 186.962,11 euros a obras de mellora do sanemento e outro tipo de servizos no Concello de Poio con cargo a dúas novas subvencións recén aprobadas pola Xunta de Goberno provincial no marco da liña de investimentos do Plan Concellos 2016.
Segundo informou a institución provincial, a primeira das axudas, de 81.882,78 euros, destinarase a obras de mellora de saneamento na rúa do convento de San Xoán. A segunda, de 105.079,33, servirá para mellorar servizos na rúa de Combarro.
Estas subvencións hai que sumalas aos 184.335,08 euros que se aprobaron na anterior Xunta de Goberno tamén con cargo á liña 1 do Plan Concellos 2016 a favor do concello de Poio. A maiores, xa se adxudicaron 123.354,32 euros no marco da liña 2, destinados ó financiamento de gasto corrente; 37.662,27 euros da liña 3, destinados á festa da ameixa, ao duatlón de cross, á carreira popular, á BTT, ao triatlón de Campelo e á Festa do Mar; e 214.558,79 euros á liña 4, para a contratación de 30 traballadores que desempeñarán as súas tarefas no concello.
A Deputación de Pontevedra destinou a Poio a cantidade de 1.004.339,91 euros dentro do Plan Concellos 2016, dos cales xa se concederon 746.872,57 euros, o que representa o 74,36% do total.