Música e gastronomía para un sábado de Dog Music na Praza de Abastos
Por Redacción
A Praza de Abastos de Pontevera acollerá este sábado a oitava edición do evento Dog Music.
Música e gastronomía danse da man nunha amena sesión vermú que se celebrará das 12:00 ás 14:00 horas.
A xornada empezará coa presentación do libro 'Cociñando coas razas autóctonas', de Rocío Garrido e continuará cun 'showcooking' a cargo dos chefs Iñaki Bretal (O Eirado), Rubén González (El Cafetín) e Rocío Garrido (La cocina de mi abuelo).
Todo iso estará acompañado da música de LBK, unha burelense afincada en Pontevedra que estará encargada da selección musical, na que se escoitará unha mestura de "funky, indie e deep house", segundo sinalaron na presentación do evento.