Posta a punto nos parques infantís de Marín
Por Redacción
Operarios municipais traballan estes días na posta a punto dos parques infantís e biosaudables do municipio, deteriorados polo efecto do inverno e nalgúns casos pola acción dos vándalos.
A actuación centrarase en reparar os elementos danados e valados, substituíndo os que estean en mal estado para garantir a seguridade dos usuarios.
Durante os próximos días sucederanse os traballos nos parques de Pastoriza, Loira, Alameda de Seixo, Ardán, Centro Cultural e Barriada de Mogor, Finca de Briz, Lameira, Paseo Antonio Blanco, Alameda Rosalía de Castro, Parque Eguren, A Cañota, Cantodarea, Raimundo Vázquez, Carregal, San Pedro, Barriada Virxe do Carmen, O Campo, Miñán e os biosaudables da Avenida de Ourense, A Cañota e Portocelo.
No único lugar no que non se repararán os elementos danados é no parque infantil de Portocelo debido a que os xogos se atopan moi danados e resultan perigosos, segundo explica o goberno local, debido á corrosión do mar e a diversos actos vandálicos.
Por iso ante o custo que supoñería repoñelos decidiuse colocar mesas de pedra no lugar "para disfrute de todos este verán".