Un libro en branco e unha carta de benvida, agasallo para os nenos nacidos en Ponte Caldelas
Por Redacción
O equipo de goberno do Concello de Ponte Caldelas está a saudar o nacemento de cada bebé no municipio co agasallo dun libro en branco onde os pais poderán ir anotando ou incluíndo fotografías, a modo de diario, da evolución vital do recén nacido.
Este modesto agasallo vai acompañado dunha carta de benvida.
O municipio de Ponte Caldelas rexistrou un "leve repunte sostido" no seu padrón de habitantes. Dende o goberno local sinalan como dato significativo a "continua demanda" de alugueiros no centro da vila onde se detecta unha "falla de vivendas".
Dende o goberno local aseguran que nos últimos meses detéctase, por parte das empresas adicadas á compra-venda ou alugueiro de vivendas, que hai unha media dunhas 10 parellas semanais que se achegan ata eles á procura dun fogar.
O alcalde, Andrés Díaz, considera que coa aprobación do PXOM "poderemos facilitar que todas esas persoas podan atopar unha solución á súa demanda dun xeito razonable xa que agora o prezo do terreo edificable é moi alto e escaso".