Máis madeira para o centro de Formación Profesional de A Xunqueira
Por Redacción
A consellería de Educación realizou un investimento de 400.000 euros na obra de ampliación do CIFP A Xunqueira, un edificio que alberga un taller de traballo de madeira que foi visitado polo conselleiro Román Rodríguez durante o mediodía deste luns 18. O máximo responsable da educación galega ha sinalado que desde a Xunta investíronse nos últimos meses 1,7 millóns tanto nesta construción como no centro de hostalería Carlos Oroza.
Neste sentido, Rodríguez manifestou que estes centros son de referencia no ámbito educativo e de formación de estudantes que posteriormente ingresan no mercado laboral. Desta forma, sinalou que o centro da Xunqueira cun espazo de formación de Madeira, Moble e Cortiza recolle todo o que busca a Xunta para a Formación Profesional do futuro, tanto na súa modalidade Básica como Dual.
O taller que visitaba o conselleiro permite realizar prácticas de montaxe de casas prefabricadas de madeira e estruturas similares. A obra, finalizada no mes de decembro, consistiu no peche dos laterais da antiga pista deportiva cuberta para o acondicionamento neste espazo de máis de 635 metros cadrados en superficie construída e 624 metros en superficie semiabierta.
No centro da Xunqueira púxose tamén en marcha este curso a FP Dual no ciclo medio de Atención a persoas que se atopan en situación de dependencia. 12 alumnos matriculáronse neste ciclo e, tal e como indicou o conselleiro, trátase dunha modalidade vinculada á realidade social que busca favorecer a inserción laboral.
En todo caso, Rodríguez sinalou que é necesario seguir fomentando a Formación Profesional. Actualmente, Galicia é a comunidade española que achega máis alumnos aos ciclos de FP pero atópase lonxe dos países europeos nos que a cociente se sitúa nun 70% de alumnos que cursan a formación profesional fronte a un 30% que estudan bacharelato. En Galicia aínda máis do 40% acoden aos institutos para formarse como bachareis.
DATAS DE EXAMES DE AVALIACIÓN DE PRIMARIA
O conselleiro tamén fixo referencia ás datas para os exames de avaliación en primaria. As de sexto de primaria realizaranse na semana previa ao 17 de maio mentres que os estudantes de terceiro terán que enfrontarse a esta proba na semana seguinte ao Día das Letras Galegas. Román Rodríguez insistiu en que non se vai a realizar un ranking nin os resultados van constar nos expedientes xa que se trata dunha avaliación para detectar as debilidades formativas e, desta forma, melloralas.
Román Rodríguez sobre las protestas estudiantiles: "A xuventude ten punch"
PROTESTAS DE ESTUDANTES
Rodríguez tamén se referiu ás protestas dos estudantes coas dúas xornadas de folga celebradas durante a pasada semana. O conselleiro indicou que "todos fomos xóvenes e iso é positivo, a xuventude ten punch pero hai que diferenciar entre cuestións educativas e outras de índole política". Desta forma, entende que hai intereses políticas detrás desas manifestacións estudantís.
Entende que a LOMCE é unha lei que está a corrixir os malos resultados e que, por exemplo, é a causante da creación dos ciclos de FP básicos para alumnos con dificultades de aprendizaxe. Engadiu que a normativa pretende mellorar a calidade e reforzar un sistema equitativo.
Relacionadas:
-
Poñen en marcha incentivos para a contratación dos recén titulados de FP
Por Oskar Viéitez & Mónica Patxot |
-
Folga estudantil: "Pública somos, pública seremos e pola privada nunca pasaremos"
Por Mónica Patxot & Anxo Lourido |
-
O Centro de Hostalería 'Carlos Oroza' estrea novos espazos de cociña
Por Redacción |