O PP quere que Pontevedra se sume ao "Programa de Vivendas Baleiras"
Por Redacción
O Partido Popular, a través do seu portavoz Jacobo Moreira, reclama ao goberno local de Pontevedra que inicie os trámites para que o Concello se sume ao "Programa de Vivendas Baleiras" que promove a Xunta de Galicia co obxectivo de favorecer o acceso á vivenda a aqueles colectivos máis vulnerables.
Segundo Moreira, Pontevedra sofre unha importante caída do peso de gasto social nos orzamentos municipais reducíndose case un punto desde 2011 e afirma que é o municipio español con menor gasto social por habitante e que o goberno do BNG eliminou ao equipo de Inclusión Social.
Ante esta situación, o portavoz do PP reclama a colaboración entre administracións. A Consellería do Territorio puxo en marcha este programa que censa as vivendas desocupadas coa intención de que o órgano competente en materia de vivenda teña datos sobre o estado de ocupación en Galicia.