Poio propón á Xunta a creación de tres sendas para peóns e ciclistas
Por Redacción
O Concello de Poio remitiu as propostas de creación de tres sendas peonís e ciclistas nas estradas de titularidade autonómica, dentro do marco do Plan de Fomento da Mobilidade Sostible que a Xunta de Galicia puxo en marcha a través da Axencia Galega de Infraestruturas (AGI).
Dende o goberno local apuntan que estre tres proxectos son "moi ambiciosos, así como moi necesarios para a veciñanza do municipio dado o elevado tránsito de peóns polas beiravías das estradas e o perigo para a seguridade vial que isto supón".
Afectarán á PO-308, á PO-535 e á PO-309.
A primeira das sendas propostas uniría A Seca co núcleo urbano de Combarro, xa que a maior parte das instalacións deportivas municipais se localizan no Complexo Deportivo Miguel Anxo Pazos de A Seca, (campo de fútbol, ximnasio, pavillón de deportes, campo de herba sintética), así como pola zona recreativa De A Reiboa, a Alameda e o Parque da Memoria, onde se realizan múltiples eventos lúdico festivos e deportivos, converténdoa nunha das zonas máis visitadas e transitadas de Poio.
O segundo dos proxectos suporía a creación dunha senda peonil a marxe do vial norte que comunica a PO-308 coa estrada de Vilagarcía, no tramo entre rotondas das Bardancas e a Rúa Convento. Trátase dunha beiravía moi empregada pola súa conexión co cemiterio e o tanatorio municipal, así como coas dependencias do Concello e o Mosteiro de Poio.
O último destes proxectos, afectaría e melloraría a mobilidade na zona de Portosanto, concretamente á PO-309 dende a rotonda Pazo Besada ata a súa intersección coa Avenida de Colón. Coa construción desta senda se melloraría a seguridade de moitos dos peóns que utilizan a beiravía desta estrada para chegar a zona das praias e de esparexemento de Lourido.
Relacionadas:
-
Covelo e Raxó estarán unidas por unha senda para peóns e ciclistas
Por Oskar Viéitez |
-
Empezan as obras da senda peonil e ciclista que conecta Soutullo e A Lanzada
Por Redacción |
-
Dúas sendas na PO-308, Covelo- Raxó e Portonovo-A Lanzada, incluídas no plan da Xunta
Por Redacción |
-
A Xunta pide aos concellos da comarca que propoñan itinerarios para construir novas sendas peonís
Por Redacción |