A Fundación Meniños atendeu o pasado ano na cidade 82 menores en situación de risco
Por Redacción
A Fundación Meniños, encargada de xestionar o programa de atención familiar do Concello de Pontevedra a través do servizo de Benestar Social, atendeu durante 2015 a 82 menores en risco.
Son datos da memoria anual da fundación, que traballa polos dereitos da infancia e a adolescencia en dificultade social.
Dos 82 menores, 53 eran nenos e 29 nenas dun total de 52 familias.
Meniños atende a nenos en situación de risco ou desamparo cun equipo profesional especializado na intervención familiar, co obxectivo de axudar ás familias a cambiar os malos hábitos.
O programa canta cun orzamento anual de 90.000 euros por un periodo de catro anos, e nel colaboran distintos integrantes da comunidade, desde profesores a persoal sanitario, entidades sociais e entidades públicas.