Foron unha ou dúas persoas as que mataron a Secundino en Chancelas?
A Secundino Prego matárono "a palos" na súa casa de Chancelas. Nisto están todos de acordo. Un crime "vil y cruel", segundo a acusación particular, porque que se fixo "solo por dinero". Pero quen o matou? Foron unha ou dúas persoas? Iso é o que terá que decidir o xurado popular durante o xuízo que se iniciou este luns na Audiencia de Pontevedra, despois de que tan só una das acusadas recoñecese a súa autoría o crime.
"Lo maté, sí", afirmou Rocío G.G., que tan só quixo responder as preguntas do seu avogado. Pero fíxoo, segundo declarou, a instancias da outra acusada, Albertina T.F. "Lo hicimos de forma conjunta", explicou a moza quen non dubidou en sinalar que "yo sé que tengo que pagar por lo que hice, pero también hay personas a mi lado que, como yo, también tienen que pagar", tras oír que a súa compañeira negaba ter participado na morte do ancián.
Rocío G.G asegurou que "no era dueña de mis actos" cando matou a Secundino Prego. "Yo era como un robot", sinalou, ás ordes de Albertina T.F, a quen sinalou como a autora intelectual do crime e a única beneficiaria do mesmo xa que "yo no tuve beneficio económico alguno", a pesar de que durante a súa declaración recoñeceu que a muller chegou a ofrecerlle 5.000 euros por axudala a matalo.
A rapaza, que comezou a traballar na casa de Secundino "tres o cuatro" días antes do crime, encargábase da limpeza da vivenda a cambio duns 50 euros diarios. Ao ancián "no lo conocía de nada" xa que quen a contratou foi a propia Albertina T.F., e todos eles mantiñan unha "relación normal". Tanto que, segundo explicou, non soubo do suposto crime ata o mesmo día dos feitos.
Ese día, segundo o seu relato, Albertina T.F. pediulle que pasase a noite con ela no domicilio de Secundino en Chancelas porque "se quedaba sola". O ancián, como todos os domingos, ía á discoteca La Luna e chegaría tarde, "sobre las cuatro da mañá". Ela, afirmou, "no vi problema alguno", pero pouco tempo despois de chegar a casa, a súa empleadora reveloulle os seus plans.
"Empezó a decirme que estaba cansada de ese señor, que no aguantaba más", relatou Rocío no xuízo. Foi entón cando, segundo o seu testemuño, comezou a ameazala. "Me dijo que hiciese lo que hiciese ya estaba metida en el ajo, que mis huellas estaban por toda la casa", afirmou. Esas intimidacións provocaron, dixo, que "presa del pánico" accedese a colaborar no crime, golpeando a Secundino ata a morte cando este regresou da discoteca.
"Yo no sabía lo que iba a pasar o si ella tenía alguien fuera. Me desbordé y me bloqueé", explicou, algo que lle pasa en situación "límite" e que ten diagnosticado a nivel psicolóxico como un trastorno "límite e histriónico" da personalidade. Tanto que, segundo narrou, "no era consciente" de que, tras a morte, ambas as mulleres terían simulado un secuestro e un roubo para ocultar o crime. "Yo en mi cabeza estaba convencida de que había sido así".
Pero o testemuño de Albertina T.F é totalmente diferente. Os relatos de ambas coinciden ata o momento do crime. A partir de aí, a muller confesou que "no me acuerdo de nada", debido á medicación que tomaba todas as noites debido á súa esclerose múltiple. "Se me borró todo, tengo lagunas de memoria por mi enfermedad", afirmou, pero si dixo que sería "incapaz" de colaborar na morte de Secundino.
"Jamás hubiese querido la muerte de Secundino", declarou a muller, que afirmou que "nunca ofrecí dinero a nadie para matarlo". Non lembra, dixo, a súa chamada aos servizos de emerxencia denunciando o suposto roubo, as súas declaracións posteriores ante a Garda Civil ou volver á súa casa de Vilalonga (Sanxenxo). "Lo tengo todo en una nube", afirmou, unha consciencia que recuperou, asegurou, tras ingresar no cárcere da Lama.
Albertina recoñeceu, iso si, que coñecía a Secundino despois de coidar del mentres este estivo ingresado tras un accidente. Uns dous anos despois, "vino a mí porque tenía miedo de vivir solo", tras ser vítima dun roubo en casa, e ofreceulle traballo como coidadora, para o que ela e a súa parella naquel momento trasladáronse a vivir a Chancelas, a casa do ancián.
A muller reiterou que "fue él" quen se ofreceu a cambiar o seu testamento e convertela en herdeira universal. "Insistió mucho y al final accedí", relatou a preguntas da Fiscalía, e sinalou que "yo le dije que hablara primero con sus hijos". Estes, segundo sinalou, dixéronlle que "hiciera lo que quisiera", pero negou que lle pedise que puxese ao seu nome unha conta bancaria na que o ancián tiña uns 50.000 euros.
Así, o avogado de Albertina T.F pediu a liberdade para o seu cliente ao reiterar que a muller "no estaba presente" cando mataron a Secundino; mentres que o letrado de Rocío G.G. apela ao "miedo insuperable" do seu cliente, similar dixo ao das vítimas de violencia de xénero ou abusos sexuais que se enfrontan ao seu agresor, para xustificar un crime que "no le beneficiaba en nada" e do cal "me arrepiento totalmente", dixo a moza.
Pero tanto a Fiscalía como a acusación particular mantiveron os seus escritos iniciais e solicitan que as dúas mulleres sexan condenadas a vinte anos de prisión por un delito de asasinato. Ademais, o Ministerio Fiscal pide al tribunal que as acusadas indemnicen aos dous fillos de Secundino Prego en 50.000 euros, cantidade que a acusación particular eleva ata os 300.000 euros.
O xuízo, para o cal a Audiencia reservou sala durante toda a semana, retomarase mañá martes.